Messi daha bir rekorda imza atdı

“Barselona”nın lideri Lionel Messi daha bir rekorda imza atıb. Apasport.az saytının məlumatına görə, argentinalı forvard bunu La Liqanın XXXV turunda “Deportivo” ilə qarşılaşmada reallaşdırıb.

Belə ki, matçda het-trik müəllifi olan Leo cari mövsümdə toplarının sayını 32-yə çatdırıb. Bununla Messi La Liqada 7 mövsüm 30 qol həddinə çatan ilk oyunçu olub. O, 2009/10 (34), 2010/11 (31), 2011/12 (50), 2012/13 (46), 2014/15 (43) və 2016/17 (37) mövsümündə də 30-dan çox qola imza atıb.

Qeyd edək ki, “Deportivo” - “Barselona” oyunu 2:4 hesabı ilə nəticələnib.