Mahir Şükürov oynadı, “Karşıyaka” kubokla vidalaşdı

Türkiyə kubokunda II turun oyunları keçirilib. Apasport.az saytının məlumatına görə, millimizin müdafiəçisi Mahir Şükürovun şərəfini qoruduğu "Karşıyaka" "Altay"la münasibətlərinə aydınlıq gətirib.

Qarşılaşmanın əsas vaxtında tərəflər hərəyə 1 dəfə fərqlənib. Əlavə vaxtda da qol vurulmadığından qalib penalti seriyasında müəyyənləşib. Burada isə qonaqlar daha dəqiq oynayıb - 4:3 (ümumi hesab 5:4).

Qeyd edək ki, Şükürov meydana start heyətində daxil olub. Müdafiəçimiz 120 dəqiqə mübarizə apardığı görüşdə komandasının 4-cü penaltisinə imza atıb və zərbəsi də dəqiq olub.