Lempardın “Mançester Siti”yə keçidi təsdiqləndi

13 mövsüm ərzində “Çelsi”nin şərəfini qoruyan Frenk Lempard növbəti mövsümü “Mançester Siti”də oynayacaq. Apasport.az saytının məlumatına görə, bu barədə “şəhərlilərin” baş məşqçisi Manuel Pelliqrini bildirib.

Lempard iyul ayında növbəti mövsümdən MLS-də çıxışa başlayacaq “Nyu-York Siti” klubu ilə müqavilə bağlayıb. MLS-də mövsüm 2015-ci ilin yazında başladığından, Lempard idman formasını saxlamaq üçün başqa klubda oynamalıdır. Bu müddəti icarə əsasında “Mançester Siti”də keçirəcək futbolçu Pelliqrinidən onu “Çelsi” ilə oyunda meydana buraxmamağı xahiş edəcək.