İyunun 27-də Braziliyada keçirilən Konfederasiyalar Kubokunda yarımfinal oyunlarına yekun vurulub. Apasport.az saytının məlumatına görə, sayca 9-cu dəfə gerçəkləşən yarışın 9-cu günündə ötən gün finala keçən ev sahibləri Braziliyanın rəqibi müəyyənlib.
“B”qrupunun qalibi, son dünya və Avropa çempionu İspaniya milli komandası “A” qrupunun 2-cisi İtaliya yığması ilə qarşılıb. Bu görüşdə “Skuadra Adzurra” Priney təmsilçisindən “Avro-2012”-nin finalında uduzduqları (4:0) oyunun əvəzini çıxmağa çalışıb.
Oyun Fortaleza şəhərinin “Kastelan” stadionunda keçirilib.
Qeyd edək ki, Konfederasiyalar Kuboku ilk dəfə 1992-ci ildə Səudiyyə Ərəbistanında keçirilib. Kral Fəhd Kuboku adı altında baş tutan turniri ən çox Braziliya qazanıb – 3 dəfə (1997, 2005, 2009). 2 dəfə (2001, 2003) Fransa, hərəyə 1 dəfə isə Argentina (1992), Danimarka (1995) və Meksika (1999) qalib gəlib.
İspaniya - İtaliya - 7:6 (11 metrlik zərbələrlə)
Baş hakim: Hovard Uebb (İngiltərə)
Fortaleza. “Kastelan” stadionu
İspaniya: Kasilyas, Arbeloa, Pike, Ramos, Alba, Buskets, Pedro, Xavi, İnyesta, Silva, Torres
İtaliya: Buffon, Barsali, Bonuççi, Kellini, Madjo, De Rossi, Pirlo, Cakkerini, Kandreva, Markizio, Cilardino