Komandamızın rəqibi Xorvatiyaya qalib gəlib

DÇ-2014-ün seçmə mərhələsi çərçivəsində milli komandamızın rəqibi olan Portuqaliya yığması yoldaşlıq görüşündə qüvvəsini sınayıb.

Lent.az-ın Apasport.az saytına istinadən verdiyi məlumata görə, Paulu Bentunun yetirmələri Xorvatiya ilə qarşılaşıb.

Görüş İsveçrədə baş tutub. Matçda azarkeşlər bir qola şahidlik edib. Oyunun 36-cı dəqiqəsində “Real”ın hücumçusu Kriştianu Ronaldonun vurduğu tək qol millimizin rəqibinə qələbə qazandırıb - 0:1.

Qeyd edək ki, DÇ-2014-ün seçmə mərhələsində Portuqaliya 14 xalla F qrupuna başçılıq edir. A qrupunda mübarizə aparan Xorvatiya isə 16 xalla ikinci sırada qərarlaşır.

Yoldaşlıq oyunu

10 iyun

Xorvatiya – Portuqaliya - 0:1

Ronaldo, 36