Rüştünün evi yanıb

Türkiyə milli komandasının keçmiş qapıçısı Rüştü Rəncbərin evi yanıb. Lent.az-ın Türkiyə mətbuatına istinadən verdiyi məlumata görə, İstanbulun Orxantəpə məhəlləsində baş vermiş yanğın qısa müddətdə güclənib. Küləyin təsiri ilə böyüyən yanğın ərazidə olan villalara keçib. Yanan villalar arasında tanınmış qapıçı Rüştü Rəncbərin malikanəsi də olub. Hadisə nəticəsində xoşbəxtlikdən xəsarət alan olmayıb.