Türkiyə milli komandasının sabiq baş məşqçisi Qus Hiddink özünə yeni iş yeri tapıb. Lent.az-ın “Voetbal International”a istinadən məlumatına görə, təcrübəli mütəxəssis Hollandiya yığmasına baş məşqçi təyin olunub.
O, Hollandiya Futbol İttifaqı ilə 2 illik müqavilə bağlayıb. Hiddinkə Rud van Nistelroy və Danni Blind yardımçı olacaq. Məşqçilər heyətinin təqdimatı bu həftə olacaq. Onlar 2014-cü il dünya çempionatından sonra işə başlayacaqlar.
Qeyd edək ki, Qus Hiddink 1994 – 1998-ci illərdə də Hollandiya millisinin baş məşqçisi olub. Hazırda isə 67 yaşlı mütəxəssis Cənubi Koreya yığmasında baş məşqçi köməkçisi kimi çalışır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
