Dünya çempionatının ulduzunun futbolkası ən bahalı atribut oldu

“Real Madrid” klubunun yeni transferi Xames Rodriqesin futbolkası mağazalarda peyda olandan sonra 502 min ədəd satılıb. Apasport.az saytının məlumatına görə, bu, tarixdə ən bahalı atributikadır.

“Euromargetind Sport”un məlumatında avqustun 1-nə kimi Rodriqesin adı olan 502 min futbolka satıldığı qeyd edilir: “Bu, 10 gün ərzində futbol atributikasının satılması ilə bağlı ən böyük rəqəmdir”.

Futbolkanın 1 ədədi 101 dollara satılır. “Real Madrid” satışdan 50 milyon avro qazanc götürüb.

Madrid klubu Rodriqeslə 6 illik müqavilə bağlayıb. Futbolçunun transferi 80 milyon avroya başa gəlib. Kolumbiyalı futbolçu klubda ildə 7 milyon avro qazanacaq.

Qeyd edək ki, X.Rodriqes son dünya çempionatının bombardiri olub. O, turnirdə 6 qol vurub.