Dünya çempionatının rəsmi mahnısı

ABŞ repçisi Pitbul futbol üzrə 2014-cü il dünya çempionatının rəsmi mahnısını “Youtube”da yerləşdirib. Lent.az-ın məlumatına görə, Pitbul bu mahnını həmyerlisi Cennifer Lopes və braziliyalı Klaudiya Leytte ilə birgə ifa edib.

“We Are One” (“La La La”) adlanan kompozisiya mundialın mahnılarından ibarət alboma daxil edilib. Ona cəmi bir gün ərzində 18 min baxış olub. Mahnını video yox, “One Love, One Rhythm” albomunun üz qabığındakı fotoşəkillər müşayiət edir.

Mundialın əsas mahnısından əlavə alboma Karlos Santana, Uayklif Cin, Rikki Martin, Şakira və digər ifaçıların kompozisiyaları da düşüb. Pitbul, Lopes və Leytte “We Are One” mahnısını dünya çempionatının rəsmi açılış mərasimində - iyunun 12-də Braziliyanın San-Paulu şəhərindəki “Arena” stadionunda səsləndiriləcək. Mərasimin ardından Braziliya – Xorvatiya matçı keçiriləcək.

Qeyd edək ki, 2010-cu il dünya çempionatının rəsmi mahnısını (“Waka, Waka”) kolumbiyalı müğənni Şakira ifa edib.