Caspian Cup: Yığmamız finalda uduzdu

İyunun 5-də III «Caspian Cup» beynəlxalq turnirinə yekun vurulub. Apasport.az saytının məlumatına görə, AFFA-nın təşkilatçılığı və AccessBank-ın baş sponsorluğu ilə 17 yaşadək futbolçulardan ibarət yığmalar arasında keçirilən yarışın final mərhələsində 2 oyun keçirilib.

Əvvəlcə 3-cü yer uğrunda görüş olub. Burada yarımfinal mərhələsində millimizə məğlub olan Gürcüstanla Yaponiya qarşılaşıb. Oyunun əsas vaxtında hesab açılmayıb. 11 metrlik seriyasında isə Asiya təmsilçiləri 5:3 hesabı ilə qalib gələrək, yarışın bürünc mükafatına sahib olublar.

Həlledici oyunda isə yığmamızla Türkiyə üz-üzə gəlib. Burada qapılara 5 qol vurulub. Nikolay Adamın yetirmələri qardaş ölkənin milli komandasına 4:1 hesabı ilə uduzaraq, III «Caspian Cup» beynəlxalq turnirini ikinciliklə başa vurublar.

3-cü yer uğrunda oyun
Gürcüstan – Yaponiya - 0:0 (pen. 5:3)

Final
Azərbaycan - Türkiyə - 1:4