Birinci Avropa Oyunları üçün son sınaq yarışları keçiriləcək
14 aprel 2015 18:22 (UTC +04:00)

Birinci Avropa Oyunları üçün son sınaq yarışları keçiriləcək

Bu həftə Birinci Avropa Oyunlarının boks və güləş üzrə idman sınaq yarışları, müvafiq olaraq, Bakı Kristal Zalı və Heydər Əliyev adına İdman Arenasında təşkil ediləcək. Lent.az-ın məlumatına görə, boks üzrə Böyük İpək Yolu beynəlxalq turniri aprelin 15-dən 19-dək Bakı Kristal Zalında - Avropa Oyunları zamanı boks yarışlarının keçiriləcəyi məkanda təşkil olunacaq. Birinci Avropa Oyunlarının boks yarışlarını tribunadan 4000 tamaşaçı izləyə biləcək. Bu məkan 2012-ci il Avroviziya Mahnı Müsabiqəsinə ev sahibliyi edib.

 

Azərbaycan Boks Federasiyasının Bakı 2015 Avropa Oyunları Əməliyyat Komitəsi (BAOƏK) ilə birgə təşkil etdiyi beynəlxalq turnirdə kişilər 10, qadınlar isə 5 çəki dərəcəsində mübarizə aparacaqlar. Yarışda 14 komandadan 90 boksçunun iştirakı gözlənilir.

 

Azərbaycan Güləş Federasiyası Kuboku uğrunda yeniyetmə və gənclər arasında sərbəst və Yunan-Roma güləş növləri üzrə beynəlxalq çempionat 16-19 aprel tarixində təmir-bərpa işləri aparılmış Heydər Əliyev Arenasında baş tutacaq. Kubok Azərbaycan Güləş Federasiyası və Bakı 2015 tərəfindən hazırlanacaq və 4 yarış günü ərzində yarışacaq 400 nəfər idmançı üçün nəzərdə tutulub.

 

Xatırladaq ki, ötən ay Bakı 2015-in sınaq yarışı olan gimnastika üzrə açıq Azərbaycan çempionatı uğurla keçirilib. Avropa Oyunlarının innovativ müsabiqə formasında keçiriləcək boks və güləş yarışlarının da müvəffəqiyyətlə başa çatacağı gözlənilir.

 

Bakı 2015 Avropa Oyunlarının Əməliyyat imkanları və hazırlıq şöbəsinin direktoru Gevin MakAlpayn bu barədə fikirlərini bölüşüb: "Sınaq yarışları bizim hazırlıq vəziyyətimiz və işçi heyətimizin oyunlara hazırlığının qiymətləndirilməsi üçün mükəmməl imkandır. Yarışların yüksək səviyyədə təşkili Bakı 2015-lə bağlı Azərbaycan və bütün Avropa ictimaiyyətinin ümidlərinin doğrulmasına xidmət edəcək.

 

Bakı 2015-in İdman şöbəsinin direktoru Pirs O’Kallahanın sözlərinə görə, bu həftə ərzində Bakı 2015 Avropa Oyunlarının keçiriləcəyi iki məkanın açılışı olacaq: “Tamaşaçılar iyun ayı ərzində onlar üçün təşkil ediləcək şəraitlə tanışlıq imkanı qazanacaqlar. Boks və güləş yarışları Olimpiya idman proqramının əsas sütunlarıdır. Buna görə də, sınaq yarışları beynəlxalq səviyyəli tədbirə hazırlıq baxımından mükəmməl imkandır".

 

Sınaq yarışları üçün bilet almış tamaşaçılar biletlərinin üzərində göstərilmiş olan yarış günündə yarış məkanlarına gedən və qayıdan xüsusi avtobuslardan öz bilətlərini təqdim edərək pulsuz istifadə etmək imkanı əldə edəcəklər. Bu fürsətdən tamaşaçılar eyni qaydada Oyunlar zamanı da yararlana biləcəklər.

 

Boks sınaq yarışı üçün nəzərdə tutulmuş avtobuslar 15-19 aprel tarixlərində saat 07:00-dan 01:00-dək, 28 May metro stansiyası və Crystall Hall arasında hərəkət edəcək. Güləş sınaq yarışı üçün nəzərdə tutulmuş avtobuslar isə 16-19 Aprel tarixlərində saat 06:00-dan 00:00-dək Nizami metro stansiyası və Heydər Əliyev Arenası arasında hərəkət edəcək.

# 163
avatar

Oxşar yazılar

“Trabzonspor” yarımfinalda

“Trabzonspor” yarımfinalda

28 fevral 2024 , 23:00
“Qarabağ”dan səfər qələbəsi

“Qarabağ”dan səfər qələbəsi

28 fevral 2024 , 20:59
Kloppu  ləyaqətlə   yola salmalıyıq

Kloppu ləyaqətlə yola salmalıyıq

28 fevral 2024 , 19:39
"Çelsi"nin  antirekordundan   DANIŞDI

"Çelsi"nin antirekordundan DANIŞDI

28 fevral 2024 , 18:18
“Roma”dan Dibala ilə bağlı  YENİ QƏRAR

“Roma”dan Dibala ilə bağlı YENİ QƏRAR

28 fevral 2024 , 16:57
19 yaşlı futbolçunun  evində meyiti   tapıldı

19 yaşlı futbolçunun evində meyiti tapıldı

28 fevral 2024 , 14:06
Lunev “Qarabağ”a  transferindən   DANIŞDI: “Şükür Allaha...”

Lunev “Qarabağ”a transferindən DANIŞDI: “Şükür Allaha...”

28 fevral 2024 , 11:42
"Çox üzüldüm, ağlayacaqdım" - Poçettino

"Çox üzüldüm, ağlayacaqdım" - Poçettino

28 fevral 2024 , 09:27