Bu yaxınlarda futbolçu karyerasını başa vurmuş Devid Bekhem ABŞ Milli Basketbol Assosiasiyasında “İndiana Peysers” və “Mayami Hört” komandaları arasındakı final matçına özünü çatdırmaq üçün qeyri-adi üsula əl atıb. Lent.az-ın məlumatına görə, 38 yaşlı ulduz xüsusi təyyarəsi ilə gəldiyi Mayami hava limanından arenaya 2 polis motosikletinin müşayiəti ilə yollanıb.
O, oyundan sonra da ABŞ-da qalaraq, Los-Ancelesdə restoran açacaq. Bekhem məhz bu şəhəri təmsil edən “Los Anceles Qelaksi” klubunda 5 il forma geyinib. İndi sabiq yarımmüdafiəçi ABŞ Futbol Liqasının siması olacaq.
Qeyd edək ki, Devid Bekhemin ABŞ-da yaşamağa qərar verməsində moda sektorunda xüsusi çəkiyə malik həyat yoldaşı Viktoriya Bekhemin xüsusi rolunun olduğu bildirilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
