Bakıdakı Avropa çempionatının biletləri satışa çıxarıldı

17 yaşadək futbolçular arasında Bakıda keçiriləcək Avropa çempionatının biletləri satışa çıxarılıb. Apasport.az-ın AFFA-nın rəsmi saytına istinadən məlumatına görə, biletlər 3 kateqoriya üzrə satışa çıxarılıb.

Oyunları izləmək istəyən azarkeşlər 1-2 manatlarından keçməli olacaqlar. VİP sektor üçün biletlərin qiyməti isə 10 manat təşkil edir. Həmçinin tickets.affa.az saytından da onlayn bilet əldə etmək mümkündü.

Mayın 5-dən 21-dək baş tutacaq qitə birinciliyi üçün biletləri aşağıda göstərilmiş satış məntəqələrindən almaq olar:

28 MALL Ticarət Mərkəzi, Park Bulvar Alış-Veriş Mərkəzi, 8-ci KM stadionunun kassası, Bakcell Müştəri xidməti (U. Həcibəyli 48 ünvanında), Baki Olimpiya Stadionunun kassası – 13.04.2016 tarixindən etibarən, “Qarabağ” stadionunun kassası – 13.04.2016 tarixindən etibarən, Gənclik MALL Alış-Veriş Mərkəzi – 17.04.2016 – tarixindən kassa işləyəcək.