25 yaşlı məşhur yapon porno aktrisası Hana Kurakinin intihar etdiyi güman edilir.
Lent.az-ın xarici mediaya istinadən xəbərinə görə, onun cəsədi gecə həyatı və qırmızı işıq rayonu ilə tanınan Tokionun Kabukitye rayonundakı bir mənzildə tapılıb.
Kurakini dostlarından biri Kabukityedəki bir bar sahibinə məxsus bir mənzildə tapıb.
Bar sahibi Sakito sosial mediada aktrisanın ölümü ilə bağlı ətraflı bir mesaj paylaşıb. O, Kurakinin ailəsinə və dostlarına dərin hüznlə başsağlığı verib, cəsədini onun tapması ilə bağlı əvvəlki xəbərləri təkzib edib.
Onun sözlərinə görə, Kurakinin cəsədini onun rəfiqəsi aşkar edib və o, daha sonra mənzil sahibinə zəng edib. Sakito vəziyyəti araşdırmaq və Tokio polisi ilə danışmaq üçün hadisə yerinə gəlib.
Sakito həmçinin bildirib ki, Kuraki əvvəllər münasibət problemləri barədə ona etiraflar edib. O, insanları onun ölüm səbəbi barədə şayiələr yaymamağa və ya fərziyyələr irəli sürməməyə çağırıb.
"Ümid edirəm ki, dezinformasiya və ya fərziyyələr mərhumun özünə və ya ətrafındakılara daha çox zərər verməyəcək", - o bildirib.
"Həmçinin, başqalarını idarə etmək və ya onları belə çıxılmaz vəziyyətə salmaq üçün zorakılıqdan istifadə edən insanların olmadığı bir dünyaya ümid edirəm", - Sakito əlavə edib.
Hana Kuraki böyüklər üçün film sənayesində karyerasına 2024-cü ildə başlayıb. Daha sonra o, Yaponiyada kifayət qədər tanınıb və bu ilin sonunda Tayvanda böyüklər üçün sənaye sərgisində iştirak etməsi planlaşdırılıb.
Lakin iyun ayında Kuraki gözlənilmədən karyerasına müvəqqəti fasilə verdiyini elan edib. O, yol qəzasında üz və çənə zədələri aldığını iddia edib.
Polis 25 yaşlı Kurakinin ölümünün səbəblərini araşdırır. Lakin onun çevrəsinin üzvləri hadisə ilə bağlı təsdiqlənməmiş məlumat yaymaqdan çəkinməyə çağırıblar.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
