Azərbaycan yığmasının legionerləri “Kəndimiz” mahnısını oynadı

Son illər Azərbaycan idmanına xeyli sayda əcnəbi idmançı cəlb olunub. Onlardan bəziləri klublarımızın, bəziləri müxtəlif növlər üzrə yığma komandalarımızın heyətində çıxış edirlər. Amma legionerlərin ölkəmizin atributlarına, adət-ənənələrinə nə dərəcədə bağlı olmaları daim müzakirə mövzusu olub.

Azərbaycanın akademik avarçəkmə üzrə milli komandasının əslən bolqarıstanlı üzvü Aleksandr Aleksandrov yerli toylardan birində çəkdirdiyi videonu “Facebook” sosial şəbəkəsində paylaşıb. Lent.az-ın məlumatına görə, 23 yaşadək avarçəkənlər arasında dünya çempionu və 2012-ci il London Yay Olimpiya Oyunlarının finalçısı toya həmyerlisi, 18 yaşadək avarçəkənlər arasında Avropa çempionu və 2014-cü il Yeniyetmələrin II Yay Olimpiya Oyunlarına vəsiqə qazanmış Boris Yotovla birgə qatılıb.

Hər iki avarçəkən toyda Azərbaycan mahnısının sədaları altında rəqs edib.