Azərbaycan Kuboku. «Neftçi» qalib gəldi

Mayın 28-də futbol üzrə Azərbaycan Kubokunda "Neftçi" və "Xəzər Lənkəran" komandaları arasında final matçı keçirilib. Lent.az-ın məlumatına görə, Tofiq Bəhramov adına Respublika stadionunda keçirilən oyun penaltilər seriyasında 5:3 hesabı ilə «Neftçi»nin xeyrinə başa çatıb.

11 metrlik zərbələri aşağıda adları göstərilən oyunçular vurub:
Neftçi:
Kanales +
Bertuççi +
Flavinyo +
Şükürov +
Sadiqov +

Xəzər:
Sialmas -
Ramazanov +
Əmirquliyev +
Toumkara +

Qarşılaşmanı gənc FİFA referisi Əliyar Ağayev idarə edib. 26 yaşlı Ağayevə yan xətt hakimləri qismində Vaqif Musayev və Namiq Hüseynov yardımçı olub. 4-cü hakim funksiyasını Vüsal Əliyev yerinə yetirib. Qapılar arxasında isə Fariz Yusifov və Orxan Məmmədov yer alıb.

“Neftçi”nin baş məşqçisi Böyükağa Hacıyev start heyətində bu futbolçulara yer verib:

30. Saşa Stamenkoviç, 3. Denis Silva, 6. Rəşad Sadiqov, 9. Flavinyo, 10. Culius Vobay, 11. Nikolas Kanales, 15. Erik Ramos, 16. Brunu Bertuççi, 17. Araz Abdullayev, 22. Mahir Şükürov, 32. Elvin Yunuszadə

Xəzər Lənkəran”ın baş məşqçisi Con Toşakın “11-liy”i isə belədir:

30. Toni Doblas, 3. Vanderson Skarduelli, 4. Alvaro Silva, 5. Elnur Allahverdiyev, 8. Eder Bonfim, 10. Elnur Abdullayev, 14. Rahid Əmirquliyev, 21. Radomir Todorov, 27. Adrian Skarlatake, 55. Ağabala Ramazanov, 99. Marin Orsuliç.

Oyundan öncə Röya azarkeşlər önündə bir neçə mahnı ifa edib. Bu zaman onun “Xəzər Lənkəran”ın rəngi olan yaşıl geyimdə olması diqqət çəkib. Daha sonra Azərbaycan Cümhuriyyətinin 95 illiyi münasibətilə atəşfəşanlıq olub. Göy, qırmızı və yaşıl rənglərdə fişənglər səmaya atılıb. Əyinlərində hər üç rəngdə milli geyimli oğlan və qızlar stadiona daxil olaraq, rəns ediblər. “Neftçi” və “Xəzər Lənkəran” formasında olan gənc futbolçular isə topla məharətlərini göstəriblər.

Daha sonra “Neftçi” və “Xəzər Lənkəran” futbolçuları meydana daxil olublar. Onların əllərində Respublika günü münasibətilə pankartlar olub. Meydana iki klubun bayraqlarından əlavə, Azərbaycanın nəhəng bayrağı da gətirilib. Azərbaycan Premyer Liqasında çıxış edən legionerlərin ifasında dövlət himnimiz səsləndirilib.