Arda Turan Van Persinin cavabını verdi

Türkiyə milli komandasının Avropa Çempionatı-2016-nın seçmə mərhələsi çərçivəsində Çexiya və İslandiya ilə qarşılaşmasından əvvəl “türklər mütləq xal itirəcəklər” deyən hollandiyalı futbolçu Robin Van Persiyə Arda Turandan cavab gəlib.

Apasport.az saytının məlumatına görə, yerli media orqanlarına açıqlama verən “Barselona”lı yarımmüdafiəçi təmkinli danışıb:

“Yaxşı şanslarımız var. 4 və ya 6 xal qazansaq, pey-offda oyanayacağıq. Bunu bacaracaq gücdəyik. Rəqiblərimizdən eşidirik bəzən, “xal itirəcəklər” deyirlər. Biz öz işimizə baxırıq. Hollandiya ilə oyunu ona görə udduq ki, indi rahat öz oyunlarımıza diqqət cəmləyək. Biz də Qazaxstan və Çexiyaya uğurlar arzulayırıq”.