CAR Yay Olimpiya Oyunlarını təşkil edən ilk Afrika ölkəsi olmağı hədəfləyib. Lent.az-ın məlumatına görə, ölkə prezidenti Ceykob Zuma 2024-cü il olimpiadasını keçirmək ideyasını dəstəkləyib.
Zuma deyib: “Artıq 2010-cu ildə futbol üzrə dünya çempionatı təşkil edən ilk Afrika ölkəsi olmuşuq. Gələcəkdə olimpiada keçirmək imkanımız yaransa, sevə-sevə təşkil edəcəyik. Ölkəmiz bunun üçün bütün lazımi şəraitə malikdir. 1994-cü ildə aparteid sisteminin ləğvindən sonra CAR bir çox idman turnirinin ev sahibi olub”.
Qeyd edək ki, 2024-cü il Yay Olimpiya Oyunlarına ərizə qəbulu 2015-ci ildə başlanacaq. Qalib şəhər isə 2017-ci ildə açıqlanacaq. Bakı şəhərinin 2016 və 2020-ci il olimpiadalarına namizədliyi irəli sürülsə də, final mərhələsinə keçə bilməyib. Paytaxtımızın 2024-cü il olimpiadasına da namizədliyini verəcəyi gözlənilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
