"Qəbələ" və "Xəzər Lənkəran" uduzdu, "Qarabağ" debütantla bacarmadı

Topaz Premyer Liqasında XVI tura yekun vurulub. Apasport.az saytının məlumatına görə, bir gün fasilədən sonra baş tutan 3 qarşılaşma ilə həftə sona çatıb.

Qarşılaşmalardan ikisi Bakıda, biri isə əyalətdə oynanılıb.

İlk olaraq meydana turnir cədvəlinin alt pillələrində qərarlaşmış komandalar çıxıblar. AZAL “Xəzər Lənkəran”ı qəbul edib. Maraqsız və sakit tərzdə keçən oyunda bir qol vurulub. "Təyyarəçilər" doğma meydanda 3 xala seviniblər.

Bu görüşün startından yarım saat sonra Qəbələdə iki iddialı klubun dueli başlayıb. Yerli komanda Əsgər Abdullayevin gəlişindən sonra inamlı çıxış edən "Neftçi"ni qəbul edib. Bu oyunun taleyini də bir qol həll edib. Qonaqlar qalib gələrək turnir cədvəlində də irəliləməyi bacarıblar.

Turun son oyununda isə ötən mövsümün çempionu “Qarabağ” debütant “Zirə”yə qonaq olub. Bu matçda isə ümumiyyətlə, hesab açılmayıb. Çempion debütanta qarşı üstünlük qura bilməyərək həftəni bir xalla başa vurub.

Topaz Premyer Liqası

XVI tur

13 dekabr (bazar)

“Zirə” – “Qarabağ” - 0:0

AZAL – “Xəzər Lənkəran” - 1:0

Qol: Murad Səttarlı, 70

“Qəbələ” – “Neftçi” - 0:1

Qol: Jairo, 22

Turnir cədvəli

N	Klublar	O	Q	H	M	T-F	X
1	Qarabağ	16	11	3	2	25-9	36
2	Qəbələ	16	7	6	3	23-11	27
3	Zirə	16	6	8	2	15-12	26
4	İnter	16	6	6	4	14-12	24
5	Neftçi	16	6	5	5	18-16	23
6	Kəpəz	16	5	7	4	17-16	22
7	AZAL	16	4	4	8	9-17	16
8	Sumqayıt	16	3	7	6	18-23	16
9	Xəzər L.	16	3	3	10	10-21	13
10	Rəvan	16	2	5	9	9-21	11