Bu gün Azərbaycan Premyer Liqasında 7-ci turun oyunlarına start verilib. Lent.az-ın məlumatına görə, turun açılış günündə üç qarşılaşma keçirilib.
Mərkəzi oyun Bakıxanov qəsəbə stadionunda baş tutub. Burada “Neftçi” əzəli rəqiblərindən olan, Avropa Liqasının qrup mərhələsində ölkəmizi təmsil edən “Qarabağ”ı qəbul edib. Saat 16:00-da başlayan oyun "Qarabağ"ın 3:1 hesablı qələbəsi ilə başa çatıb.
Bu oyunla eyni vaxtda “Bakı” – “Araz Naxçıvan” matçı da start götürüb. Yeni mövsümdə qələbə qazanmayan “Bakı” doğma meydanda üç xal üçün mübarizə aparıb ki, istəyinə də nail olub. "Zolaqlılar" Naxçıvan təmsilçisini 2:1 hesabı ilə məğlub edib.
Günün son qarşılaşmasında paytaxt klubları üz-üzə gəlib. AZAL öz meydanında turnir cədvəlinin lideri olan “İnter”i qəbul edib. Bu görüşdə qalib müəyyənləşməyib - 1:1.
27 sentyabr (şənbə)
Premyer Liqa, 7-ci turun oyunları
17:00. AZAL – “İnter” - 1:1
Qollar: Kərim Diniyev, 4 (1:0), Mikel Alvaro, 75 (1:1)
16:00. “Neftçi” – “Qarabağ” - 1:3
Qollar: Riçard Almeyda, 35-pen (0:1), Muarem Muarem, 77 (0:2), Vüqar Nadirov, 85 (0:3), Ernest Nfor, 87 (1:3)
16:00. “Bakı” – “Araz Naxçıvan” - 2:1
Qollar: Tural Qürbətov, 28 (1:0), Elmin Çobanov, 50 (1:1), Nuran Qurbanov, 74 (2:1)
28 sentyabr (bazar)
18:00. “Simurq” – “Sumqayıt”
19:00. “Qəbələ” – “Xəzər Lənkəran”
Turnir cədvəli
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
