(R)“Ankara-Zirvə” idmançıları Türkiyə çempionatında böyük uğurla çıxış etdilər!

Türkiyənin Əskişəhər şəhərində yerləşən “Atatürk İdman Salonu”nda böyüklər arasında ağır atletika üzrə ölkə çempionatı keçirilib. Qardaş ölkənin 29 regionundan 177 kişi və 86 qadın olmaqla toplam 263 idmançının qatıldığı bu turnir böyük marağa səbəb olub.

Çempionatda “Zirvə” İdman Klubunun idmançıları da iştirak ediblər. Yasin və Emrah Arslan qardaşlarının rəhbərlik etdiyi “Ankara-Tuzgölü-Zirvə”nin 14 nümayəndəsi – 11 qadın və 3 kişi – medallar uğrunda mübarizə aparıblar. Sevindiricidir ki, “Zirvəçilər” 6 dəfə fəxri kürsüyə qalxa biliblər.

Onlardan qadınlarda Zeynep Atakan 69 kq çəki dərəcəsində 176 kq (75+101) nəticə ilə Türkiyə çempionu adını qazanıb. Qızıl medala sahib çıxan atletimiz Zirve İnternational Sport Clubs-ın Ankaradakı son dünya çempionatında 180 kq (80+100) ilə bürünc qazanmışdı.
Bununla yanaşı, Gamze Yayla 142 kq (66+76) nəticə ilə 53 kq çəki dərəcəsində, Büşranur Dalmızrak isə 156 kq (74+82) nəticə ilə 63 kq çəki dərəcəsində gümüş medala sahib çıxıblar.
63 kq çəki dərəcəsində bürünc medal da “Ankara-Zirvə” atletinə qismət olub. Emine Sarıtoprak 152 kq-la (67+85) fəxri kürsünün 3-cü pilləsində qərarlaşıb.
Daha bir bürünc medal isə +75 kq çəki dərəcəsində çıxış edən Gülsüm Yavuzun adına yazılıb. O, 154 kq (60+94) nəticə göstərib.
Kişilərdə isə yeganə medalımızı Musa Çetintürk qazanıb. O, 105 kq çəki dərəcəsində çıxış edib. Toplamda 245 kq (105+140) nəticə göstərən atletimiz bürünc medala sahib çıxıb.
Bütün qalib və mükafatçıları təbrik edir, onlara qarşıdakı yarışlarda uğurlar arzulayırıq!

Bütün idmançılarımızın nəticələri ilə aşağıdakı cədvəldə tanış ola bilərsiniz:

Women
Name	Born	Weight	BW	S	C&J	T	Pl.
Gamze Yayla	2000	53 kg	52.38	66	76	142	2
Gizem Nur Demir	1999	53 kg	51.54	56	68	124	5
Halime Kapucu	2001	53 kg	52.92	48	54	102	9
Elif Unal	1998	58 kg	57.08	0	75	0	-
Emine Şensoy	1991	58 kg	57.92	64	70	134	6
Büşranur Dalmızrak	1998	63 kg	63.00	74	82	156	2
Emine Sarıtoprak	1997	63 kg	61.60	67	85	152	3
Zeynep Atakan	1998	69 kg	68.60	75	101	176	1
Gülüm İnci Kaya	2002	69 kg	68.90	0	64	0	-
Fulya Penezoğlu	1997	75 kg	73.30	57	72	129	5
Gülsüm Yavuz	1997	+75 kg	94.15	60	94	154	3

Men
Name	Born	Weight	BW	S	C&J	T	Pl.
Eşref Şensoy	1986	85 kg	83.80	95	110	205	15
Musa Çetintürk	1989	105 kg	102.20	127	153	280	3
Bahadır İsmail Doğan	1993	+105 kg	117.60	105	140	245	6