[b]"Beşiktaş" qrupdan çıxa biləcəkmi?[/b] - GÜNÜN OYUNLARI

Bu gün və sabah Çempionlar Liqasında (ÇL) keçiriləcək oyunlarla qrup mərhələsinə yekun vurulacaq. Apasport.az saytının məlumatına görə, ilk olaraq bu gün A, B, C və D qruplarının matçları baş tutacaq.

Maraqlıdı ki, yalnız B qrupunda mərhələ adlayan komandalar bəlli deyil. C qrupunun görüşləri isə formal xarakter daşıyır.

A qrupunda “Ludoqorets”i qəbul edəcək PSJ qələbə qazanarsa, lider kimi mərhələ adlayacaq. ÇL-də yoluna davam edəcək “Arsenal” isə “Bazel”in qonağı olacaq. Əgər “Ludoqorets”lə “Bazel” qrupu eyni xalla tamamlasalar, o zaman birincilər 3-cü yerin sahibi qismində Avropa Liqasına (AL) yollanacaqlar.

B qrupunda son tur öncəsi 3 komanda – “Benfika”, “Napoli” və “Beşiktaş”ın amansız yarışı davam edir. Bu klublardan 2-si ÇL-də, 1-i isə AL-də mübarizəni davam etdirəcək. “Beşiktaş” autsayder “Dinamo”nu səfərdə məğlub edə bilsə, digər görüşün nəticəsindən asılı olmayaraq, 1/8 finala vəsiqə əldə edəcək. Məğlubiyyət isə istənilən halda “ağ-qaralar”ı Avroliqaya yuvarladacaq. “Beşiktaş” qalib gəlsə və digər matçda bərabərlik qeydə alınsa, o zaman ÇL-lə vidalaşacaq komanda “Benfika” olacaq. “Beşiktaş”ın heç-heçəsi və “Benfika”nın qələbəsi isə “Napoli”ni kənarda qoyacaq.

C qrupunda “Barselona” lider, “Mançester Siti” isə ikinci yerin sahibi kimi 1/8 finala vəsiqəni rəsmiləşdiribsə, Möhnenqladbax “Borussiya”sının da Avropa Liqasında iştirak edəcəyi dəqiqdi. Bu üzdən son turun qarşılaşmalarının heç bir önəmi yoxdu.

D qrupunda da “Bavariya” - “Atletiko” matçı formal xarakter daşıyır. Bu üzdən hər iki komandanın aparıcı futbolçuları qoruması gözlənilir. Son tura PSV-dən 3 xal öndə girən “Rostov” üstünlüyünü Hollandiyada da qorumağı bacarsa, Avroliqada 1/16 finalından mübarizəyə qoşulacaq.

Çempionlar Liqası

Qrup mərhələsi, VI tur

6 dekabr

A qrupu

23:45. “Bazel” (İsveçrə) – “Arsenal” (İngiltərə)

Baş hakim: Manuel de Souza (Portuqaliya)

23:45. PSJ (Fransa) – “Ludoqorets” (Bolqarıstan)

Baş hakim: Tasos Sidiropulos (Yunanıstan)