AZAL klubunun baş məşqçisi Vaqif Sadıqov postundan kənarlaşdırılıb. Apasport.az saytının xəbərinə görə, Topaz Premyer Liqasında uğursuz çıxış edən paytaxt təmsilçisi bu gün klubdaxili iclas keçirib. Görüşdə komandanın son vaxtlar düçar olduğu uğursuzluqlar və əldə olunan mənfi nəticələr müzakirə edilib.
Rəhbərlik komandanın mövsümün əvvəllərində qarşıya qoyulan hədəflərdən uzaq düşdüyünü vurğulayıb. Müzakirələr zamanı klub rəhbərliyi ilə baş məşqçi arasında ümumi nəticə əldə olunmayıb.
Bu səbəbdən Sadıqov baş məşqçi vəzifəsindən istefa verdiyini bəyan edib. O, qərarını günün sonunda futbolçulara rəsmən bəyan edib.
Qeyd edək ki, Toraz Premyer Liqasında keçirdiyi 25 oyundan 26 xal torlayan AZAL turnir cədvəlində 8-ci yerdədir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
