Toşak Almaniyanın II Bundesliqasında 13-cü yeri tutan klubun 23 yaşlılardan ibarət komandasını belə adlandırdı
Almaniyada təlim-məşq toplantısında olan “Xəzər Lənkəran” klubu ilk yoldaşlıq görüşünə iyunun 28-də çıxacaq. Lent.az-ın məlumatına görə, rəqib ötən mövsüm Almaniyanın II Bundesliqasında 13-cü yeri tutmuş “İnqolştadt” klubunun 23 yaşlılardan ibarət komandası olacaq.
Görüş Bakı vaxtı ilə saat 21:00-da başlanacaq. “Xəzər Lənkəran”ın baş məşqçisi Con Toşak oyun öncəsi “Sabah çox güclü rəqiblə qarşılaşırıq. Sizdən bu oyuna məsuliyyətlə yanaşmanızı və zədələnmədən maksimum qorunmanızı istəyirəm” deyərək, futbolçulara tapşırıqlarını verib.
Qeyd edək ki, oyun “Xəzər Lənkəran”ın məskunlaşdığı “Marc Aurel” otelinin futbol meydançasında baş tutacaq.