“Qəbələ” Türkiyədəki təlim-məşq toplanışı çərçivəsində Superliqa təmsilçiləri ilə yoxlama oyunu keçirə bilər. Bu barədə apasport.az saytına komandanın baş meneceri Zaur Əzizov məlumat verib. O bildirib ki, təmsil olunduğu komanda Türkiyə kubokunun son finalçısı olan “Trabzonspor”la sınaq matçının keçirilməsi planlaşdırılıb.
“Ölkə xaricində ilk toplanışı iyunun 1-dən 14-dək Türkiyənin Sparta bölgəsində keçirəcəyik. “Trabzonspor”la yoxlama oyunu keçirmək istəyimiz yox idi. Sadəcə, bu komandanın da mövsümə hazırlıq məqsədilə Spartada olmağından istifadə edərək, yoxlama oyunu keçirməyi planlaşdırırıq. Orda 4 matç keçirəcəyik. “Trabzonspor”la oyun 2-ci və ya 3-cü olacaq. Ola bilsin digər Superliqa təmsilçisi “Antalyaspor”la da qüvvəmizi sınadıq” – deyə, Əzizov bildirib.
Qeyd edək ki, “Antalyaspor” son çempionatı 7-ci, “Trabzonspor” 9-cu yerdə bitirib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
