“Futbolda hər şey mümkündür. Heç vaxt görüşün necə bitəcəyini bilmək olmaz”. Apasport.az saytının məlumatına görə, bunu “Qarabağ”ın albaniyalı müdafiəçisi Ansi Aqolli deyib.
Albaniya yığmasının üzvü UEFA-nın saytına verdiyi açıqlamasında Milan səfəri öncəsi danışıb. Aqollinin sözlərinə görə, onlar İtaliyada sürpriz nəticəyə nail ola bilərlər: “Kim düşünərdi ki, Albaniya yığması Portuqaliyada qalib gələcək? Ancaq biz bunu bacardıq. “Qarabağ” istəyi sayəsində “İnter”ə qalib gələ bilər. Bununla belə, biz rəqibin irəli xətdəki hücumlarını unutmamalıyıq. Bu komanda bütün dünyada məşhurdur. Ona görə də bizim qarşımızda asan tapşırıq durmur”.
Qeyd edək ki, "İnter" - "Qarabağ" matçı oktyabrın 2-də saat 00:05-də başlayacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
