Türkiyə superliqasının növbəti oyun günü çempionluğa əsas namizədlərdən hesab edilən “Qalatasaray”ın xal itkisi ilə yadda qaldı. Lent.az-ın məlumatına görə, 27-ci tur çərçivəsində keçirilən “Konyaspor”-“Qalatasaray” qarşılaşması qolsuz heç-heçə ilə başa çatıb. Bu nəticədən sonra lider “Fənərbağça”nın 7 xal gerisində qalan “Cim-Bom” həm də rəqibə nisbətən iki oyun çox keçirib. “Fənərbağça”ya yarımçıq qalan “Trabzonspor” görüşünə görə birbaşa 3 xalın veriləcəyini nəzərə alsaq, potensial fərq 13-ə bərabərdir.
Qeyd edək ki, “Qalatasaray” son iki ildə Türkiyə superliqasını çempion kimi başa vurub. Komandanın son vaxtlar uğursuz çıxış etməsi baş məşqçi Roberto Mançinini və klub rəhbərliyini tənqid hədəfinə çevirib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
