Nikolas Kanalesi heyətində saxlaya bilməyən “Neftçi” yeni hücumçu axtarışlarına çıxıb. Lent.az-ın “De Telegraaf”a istinadən verdiyi məlumata görə, “ağ-qaralar” Hollandiya “Neymegen”inin forvardı Melvin Platyenin xidmətində maraqlıdır.
Agenti Vinni Hatrext bildirib ki, Platye hazırkı klubundan cavab gözləyir. “Neymegen” onun ultimatumuna iyunun 21-də yerli vaxtla saat 12:00-dək (Bakı vaxtı ilə saat 15:00) cavab verməsə, “Neftçi”yə keçid gerçəkləşəcək.
Qeyd edək ki, Melvin Platyenin “Neymegen”lə 2014-cü ilin yayınadək müqaviləsi var. O, komandanın baş məşqçisi Aleks Pastorla yola getmir. Hazırda 25 yaşında olan Platye 2011-ci ilədək Hollandiya “Volendam”ında çıxış edib. Son 2 mövsümdə isə o, “Neymegen”in heyətində 52 oyuna 13 qol vurub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
