“Neftçi” “Slaviya”ya rəqib oldu
13 iyun 2013 12:01 (UTC +04:00)

“Neftçi” “Slaviya”ya rəqib oldu

Azərbaycanda 2012-2013-cü il futbol mövsümünü “qızıl dubl”la başa vuran “Neftçi” komandası Çexiya “Slaviya”sı ilə yoxlama oyunu keçirəcək. Lent.az-ın Praqa klubunun rəsmi saytına istinadən verdiyi məlumata görə, matç iyunun 24-də baş tutacaq.

 

Komandalar Avstriyanın Tsell-am-See məşq bazasında üz-üzə gələcəklər.

 

Qeyd edək ki, “Slaviya” 2012-2013-cü il mövsümündə Çexiya çempionatını 42 xalla 16 komanda arasında 7-ci pillədə başa vurub. Praqa təmsilçisi vaxtilə Azərbaycan klublarından “Şəmkir”lə Çempionlar Liqası, “Karvan”la isə UEFA Kubokunun təsnifat mərhələlərində üz-üzə gəlib. Hər iki halda “Slaviya” mərhələ adlayıb. 

# 1154
avatar

Oxşar yazılar