“Fənərbaxça” məşhur qapıçı ilə anlaşdı

“Fənərbaxça” heyətinə yeni qapıçı cəlb edib. Apasport.az saytının məlumatına görə, istanbullular Kamerun millisinin qapıçısı Karlos Kamenini transfer edib.

Klubdan verilən açıqlamada bildirilib ki, oyunçu və komandası “Malaqa” ilə ilkin razılıq əldə edilib. “Çərçivə qoruyucusu” sabah İstanbula gələcək və onunla rəsmi müqavilə imzalanacaq.

Qeyd edək ki, Kameni 2004-cü ildən İspaniyada çıxış edir. O, 2012-ci ilə kimi “Espanyol”da, o vaxtdan bəri isə “Malaqa”da forma geyinir. 33 yaşlı qapıçı Kamerun millisində isə 71 matçda meydana çıxıb.