Qətərin məşhur “Əl-Cəzirə” telekanalı Ağdamın “Qarabağ” klubu haqqında reportaj hazırlamaq məqsədilə kluba müraciət edib. Lent.az-ın xəbərinə görə, bu barədə qol.az-a klubun mətbuat xidmətinin rəhbəri Nurlan İbrahimov məlumat verib.
Klub rəsmisinin sözlərinə görə, Ağdam təmsilçisinin Avropa Liqasının qrup mərhələsinə vəsiqə qazanması qətərlilərdə maraq oyadıb və bu məqsədlə “Əl-Cəzirə” telekanalı “Qarabağ” haqda reportaj hazırlamağı planlaşdırır.
Telekanalın Avropa Liqasının qrup mərhələsinin “Sent-Etyen”-lə ilk oyununa qədər Bakıya gələrək komanda haqda reportaj hazırlayacağı gözlənilir.
“Qarabağ” – “Sent Etyen” oyunu sentyabrın 18-də, saat 21.00-da başlayacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
