“Barselona” futbol klubunun baş məşqçisi Herardo Martino postunu tərk edib. Apasport.az saytının məlumatına görə, bu barədə Kataloniya klubunun rəsmi saytında açıqlama verilib.
Argentinalı mütəxəssislə müqavilə qarşılıqlı razılaşma əsasında pozulub. Martino istefasından sonra komandasına təşəkkür edib: “Mənə inandıqlarına görə, “Barselona” klubunun rəhbərliyinə və azarkeşlərinə təşəkkür edirəm. Onların ümidlərini doğrultmadığıma görə isə üzr istəyirəm”.
Herardo Martino “Barselona”nın sükanı arxasına 2013-cü ilin iyununda keçib. Kataloniya klubu onun başçılığı altında İspaniya superkubokunu qazanıb. Çempionlar Liqasında isə 1/4 finala kimi irəliləyib. “Barselona” bü mövsüm İspaniya kubokunu “Real Madrid”ə uduzub, dünən isə “Atletiko Madrid”lə öz meydanında heç-heçə edərək, İspaniya çempionatında ikinci yerlə kifayətlənməli olub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
