“Baku Fires” ABŞ komandasını 5-0 hesabı ilə darmadağın etdi

“Baku Fires” ABŞ-ın “USA Knockouts” klubunu 5-0 hesabı ilə məğlub edib

Quba. Vəli Turan – APA. Bu gün Quba Olimpiya Kompleksində Ümumdünya Boks Seriyasının (WSB) XII turu çərçivəsində “Baku Fires” ABŞ-ın “USA Knockouts” klubu ilə qarşılaşıb.

Belə ki, Albert Səlimov bu görüşdə qələbə qazanıb, 2016-cı ildə keçiriləcək Rio-de-Janeyro Olimpiadasına vəsiqəni təmin edib. Onun rəqibi bu mövsüm 3 görüşü məğlubiyyətsiz bitirən və reytinqdə 7-ci yeri tutan Balderas olub.

Murad Rabadanov – Brent Riçard Veneqası, 60 kq-da Albert Səlimov – Karlos Balderası, Pərviz Bağırov - Brayan Keballonu (69 kq), Mixail Dalqalivets – Stiv Nelsonu (81 kq) məğlub edib.

91 kiloqramdan yuxarı çəki dərəcəsində Haci Murtuzəliyev və Kam Avesome arasında nəzərdə tutulan döyüş keçirilməyib. Belə ki, rəqib ölkəmizə gələ bilmədiyindən “Baku Fires” təmsilçisinə texniki qələbə verilib.

Boksçularımız ümumi hesabda 5-0 esabı ilə qalib gəlib.

Qeyd edək ki, Cari çempionatda mübarizənin gərgin keçəcəyinə dəlalət edən səbəblərdən biri də Olimpiya oyunlarına lisenziyaların verilməsidi. WSB liqasından 17 boksçu mövsümün sonunda Rio Olimpiadasına vəsiqə qazanacaq. 49, 91 və +91 kq çəki dərəcələrində 1 idmançı, digər çəkilərdə isə 2 boksçu planetin ən böyük yarışına lisenziya əldə edəcək.

“Baku Fires” ötən mövsüm Dünya Boks Seriyasında yalnız finalda “Cuba Domaderos” klubuna uduzaraq, 2-ci yerə layiq görülüb.