Respublika Şahmat Mərkəzində qadınlar arasında Azərbaycan çempionatına start verilib. Şahmat Federasiyasından (AŞF) Lent.az-a verilən məlumata görə, yarışa millimizin üzvləri də qatılıblar.
İlk turun 6 görüşü arasında Zeynəb və Türkan Məmmədyarova bacıları arasındakı matç daha böyük marağa səbəb olub. Qarşılaşma heç-heçə ilə nəticələnib. Digər oyunlarda qeydə alınan nəticələr:
Səbinə Quliyeva - Xəyalə Abdulla – 0:1
Gülnar Məmmədova - Nərmin Xələfova – 0:1
Nərmin Kazımova - Nərgiz Umudova – 1:0
Aytən Əmrayeva – Günay Məmmədzadə - 0,5:0,5
Səbinə İbrahimova - Səhər Hüseynova – 1:0.
Qeyd edək ki, yekunda ilk üç yeri tutacaq şahmatçılar Gənclər və İdman Nazirliyinin diplomları və AŞF-nin medalları ilə təltif olunacaqlar. Onlar, həmçinin 2014-cü ilin şəxsi Avropa Çempionatına vəsiqə qazanacaqlar. Çempionata martın 15-də yekun vurulacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
