“Qəbələ” klubu daha bir futbolçu transfer edib. Lent.az-ın klubun rəsmi saytına istinadən verdiyi məlumata görə, “Ayaks”ın heyətində iki dəfə Hollandiya çempionu tituluna yiyələnmiş gənc yarımmüdafiəçi Lorenzo Ebesilyo ilə 1 illik müqavilə imzalanıb.
24 sentyabr 1991-ci ildə dünyaya gələn Lorenzo Ebesilyo peşəkar futbolçu karyerasına elə “Ayaks”da başlayıb. Gənc olmasına baxmayaraq, baxımlı oyunu ilə diqqət çəkən Ebesilyo bu komandada 52 oyuna 11 qol vurub. O, 2 dəfə - 2010-2011 və 2011-2012 mövsümlərində Hollandiya çempionluğuna yiyələnib. Futbolçu komandasının Avropa Liqası və Çempionlar Liqası oyunlarında da forma geyinib. Ebesilyo ötən mövsümü Donetsk “Metallurq”unda keçirib. 22 yaşlı yarımmüdafiəçi 16 yaşından Hollandiyanın aşağı yaş qrupları üzrə milli komandalarına dəvət alıb. O “zanbaqlar ölkəsi”nin U-16, U-17, U-18, U-19 və U-21 komandalarının şərəfini qoruyub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
