Portuqaliyanın “Arouka” və Qvineya millisinin yarımmüdafiəçisi Morlaye Silla Afrika Millətlər Kuboku üçün milli komandaya daxil edilməyib.
Lent.az xəbər verir ki, bu barədə jurnalist Corc Addo məlumat yayıb.
Mənbənin məlumatına görə, Silla yoldaşlıq görüşündən (1-4) sonra Braziliya millisinin oyunçusu Vinisiusun formasının oğurlanmasında komanda yoldaşlarını və texniki heyəti ittiham edib. Bundan sonra o, millidən kənarda qalıb.
Qeyd edək ki, iyun ayında keçirilən oyundan sonra “Real Madrid”in futbolçusunun forması soyunub-geyinmə otağından yoxa çıxıb.
Afrika Millətlər Kubokunda Qvineya Kamerun (15 yanvar), Qambiya (19 yanvar) və Seneqal (23 yanvar) milli komandaları ilə qrup mərhələsində oynayacaq.
Turnirin özü 2024-cü il yanvarın 13-dən fevralın 11-dək Kot-d'İvuarda keçiriləcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
