"Real"in prezidenti Florentino Peres 2025-ci ildə istefaya gedəcək.
Lent.az xarici mediaya istinadla bildirir ki, bu barədə ispaniyalı jurnalist Siro Lopez məlumat verib.
Mənbənin məlumatına görə, ispan funksioner Madrid komandasının “Bernabeu” stadionunun yenidən qurulmasını başa çatdırmağı klub qarşısındakı son böyük borcu hesab edir.
Peres ilk dəfə 2000-ci ilin iyulunda “Real” rəhbərlik edib. 2006-cı ilin fevralında istefa verib. Florentino ikinci dəfə 2009-cu ildə “Kral klubu”nun prezidenti olub və o vaxtdan bu vəzifəni icra edir.
“Real” La Liqada 16 turdan sonra 38 xalla turnir cədvəlinin 2-ci pilləsində qərarlaşıb. Madrid klubu çempionatın lideri “Barselona”dan 3 xal geri qalır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
