10 illik UEFA reytinqi açıqlanıb.
Lent.az-ın Apasport.az saytına istinadla məlumatına görə, siyahıda Azərbaycanın 10 komandası da yer alıb.
Ən yaxşı təmsilçimiz “Qarabağ”dır. Qurban Qurbanovun yetirmələri 10 il üçün Avropada 75-cidir.
Təmsilçimizin hesabında 39,500 xal var. Ağdam klubu bu mövqeyi Avstriya “Rapid”i ilə bölüşür. “Qarabağ” bir sıra tanınmış klubları, o cümlədən “Lester”, “Vest Hem”, “Everton”, “Betis”, “Real-Sosyedad”, “Spartak”, “Başakşəhər”, “Trabzonspor”, “Torino”, “Sampdoriya”nı qabaqlayır.
Digər klublarımızdan “Neftçi” 13,250 xalla 190-cı, “Qəbələ” 7,750 xalla 340-cı pillədədir. Son 10 ildə avrokuboklarda oynamış 7 digər komandamız eyni xala malikdir.
368-ci yeri bölüşən təmsilçilərimiz 6,950 xala malikdir. Bunlar “Keşlə”, “Kəpəz”, “Sumqayıt”, “Səbail”, “Zirə”, “Xəzər Lənkəran” və “Bakı”dır.
Qeyd edək ki, cədvələ 355,000 xala malik “Real” başçılıq edir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
