Xorvatiya millisinin yarımmüdafiəçisi Luka Modriç milli ilə çıxış etdiyi “Real”ı müqayisə edib.
Lent.az xatırladır ki, Xorvatiya yığması dünya çempionatının 1/2 finalına yüksəlib. Zlatko Daliçin yetirmələrinin rəqibi Argentina yığmasıdır.
“Xorvatiyanın DNT-si “Real” ilə eynidir. Biz həmişə bütün yolu gedirik və heç vaxt təslim olmuruq. Deməli, onlar bu məsələdə eynidirlər”, - Modriç bildirib.
Əlavə edək ki, Argentina və Xorvatiya dekabrın 13-də qarşılaşacaq. Qarşılaşma Bakı vaxtı ilə saat 23.00-da başlayacaq.