Millimizi gözləyən PƏLƏNG

Bu gün başlayan 2022-ci il Azərbaycan millisinin tarixinə 3-cü pələng ili kimi düşəcək.

Lent.az Apasport.az-a istinadən xəbər verir ki, Çin təqvimində illəri təcəssüm edən digər canlılar kimi pələng də yığmamıza qarşı amansız olub.

1998-ci və 2010-cu illəri uğurla keçməyən komandamız 3-cü cəhddən “zolaqlı”nı ram etməyə çalışacaq. Qarşıda Millətlər Liqasındakı sınağı olan milli ya pələngi yıxacaq, ya da ona yem olacaq.

Düzdür, yığmamız pələng ilinə həmişə yaxşı başlayır. 1998-ci ilin ilk 6 matçında məğlub olmayan komanda 5 qələbə və 1 heç-heçə görüb. 2010-cu ilin də əvvəlində 3 məğlubiyyətsiz görüşdə 2 qələbə əldə olunub. Hətta ilk 6 matçda yalnız bir yenilgi qeydə alınıb.

Amma hər iki il yoxlama oyunları sayəsində bu nəticələrə bəzənib. Seçmə görüşlər isə fərqli nəticələnib.

Pələng ilində 6 seçmə oyununda 5 məğlubiyyətdən dördü darmadağın olub. Almaniya, Avstriya, Slovakiya və Macarıstanla görüşlərdə fiaskolar yaşanıb. Böyük hesabla uduzmadığımız faciə isə Lixtenşteynin tarixindəki ilk qələbəsidir. Yeganə qələbə isə Türkiyə ilə qarşılaşmada əldə olunub.

Ümumilikdə, pələng ilindəki 20 oyunda 8 qələbə və 5 heç-heçəsi olan yığma 7 dəfə uduzub.

Millimizin pələng ilindəki oyunları
1998
22 mart. Bakı. YO. Azərbaycan – Moldova 1:0
24 aprel. Bakı. YO. Azərbaycan – Özbəkistan 2:1
16 may. Vilyandi. BT. Estoniya – Azərbaycan 0:0
24 iyun. Tallin. BT. Andorra – Azərbaycan 0:0
26 iyun. Vilyandi. BT. Litva – Azərbaycan 1:2
12 avqust. Gəncə. YO. Azərbaycan – Gürcüstan 1:0
5 sentyabr. Koşitse. AÇ. Slovakiya – Azərbaycan 3:0
10 oktyabr. Bakı. AÇ. Azərbaycan – Macarıstan 0:4
14 oktyabr. Vaduts. AÇ. Lixtenşteyn – Azərbaycan 2:1
28 noyabr. Gəncə. YO. Azərbaycan – Estoniya 2:1
2010
25 fevral. YO. Əmman. İordaniya - Azərbaycan 0:2
3 mart. YO. Lüksemburq. Lüksemburq - Azərbaycan 1:2
26 may. YO. Seekirchen. Moldova - Azərbaycan 1:1
29 may. YO. Bischofshofen. Makedoniya - Azərbaycan 3:1
2 iyun. YO. Zell am See. Honduras - Azərbaycan 0:0
11 avqust. YO. Bakı. Azərbaycan - Küveyt 1:1
7 sentyabr. AÇ. Köln. Almaniya - Azərbaycan 6:1
8 oktyabr. AÇ. Vyana. Avstriya - Azərbaycan 3:0
12 oktyabr. AÇ. Bakı. Azərbaycan - Türkiyə 1:0
17 noyabr. YO. Podqoritsa. Çernoqoriya - Azərbaycan 2:0