İngiltərənin "Mançester Yunayted" klubu komandanın 22 yaşlı cinah oyunçusu Amad Diallo ilə yeni müqavilə imzalamağa yaxındır.
Lent.az bildirir ki, bu barədə məşhur jurnalist və insayder Florian Plettenberq X sosial şəbəkəsində (keçmiş Twitter) xəbər verir.
Mənbənin məlumatına görə, danışıqlar yekunlaşmaq üzrədir və Amad tezliklə yeni müqavilə imzalayacaq.
Diallo 2021-ci il fevralın 18-də “Mançester Yunayted”də debüt edib. Bu mövsüm cinah hücumçusu "qırmızı şeytanlar"ın heyətində bütün turnirlərdə 28 oyuna çıxıb, 6 qol vurub və 7 məhsuldar ötürmə edib.
Futbolçunun “Mançester Yunayted” ilə müqaviləsi 2025-ci il iyunun sonuna kimidir.
Transfermarkt internet portalına görə futbolçunun təxmini dəyəri 25 milyon avrodur.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
