"Barselona" icarəyə götürdüyü müdafiəçi Joao Kanselonun transferi ilə bağlı "Mançester Siti" ilə razılığa gələ bilmir.
Lent.az xarici mediaya istinadla bildirir ki, Kataloniya klubu müdafiəçi üçün “Mançester”in istədiyindən az təklif edir.
Səudiyyə Ərəbistanı klubları da Kanselo ilə maraqlanır, lakin futbolçunun özü İtaliya çempionatını “Barselona”ya alternativ olaraq görür. Bildirilir ki, portuqaliyalının agenti "Milan" və "Yuventus"dan Kanselonu almaq istəyib-istəmədiklərini soruşub.
30 yaşlı futbolçu 2019-cu ilin avqustunda "Yuventus"dan "Mançester Siti"yə keçib. Futbolçunun müqaviləsi 2027-ci ilin yayına kimi nəzərdə tutulub. Transfermarkt Kanselonu 25 milyon avro dəyərində qiymətləndirir.
Ötən mövsüm müdafiəçi "Barselona"nın heyətində 42 oyun keçirib, 4 qol vurub və 5 məhsuldar ötürmə edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
