"Barselona"nın 36 yaşlı hücumçusu Robert Levandovski Çempionlar Liqasında penaltidən vurduğu qollara görə Kriştianu Ronaldonun rekordunu təkrarlayıb.
Lent.az xəbər verir ki, Çempionlar Liqasının ümumi mərhələsinin 7-ci tur oyununda "Barselona" "Benfika"ya 5:4 hesabı ilə qalib gəlib. Levandovski iki penalti vurub. Ümumilikdə, onun Avropanın əsas turnirində 19 dəqiq penalti zərbəsi var.
Argentinalı hücumçu Lionel Messi Çempionlar Liqasında çıxış etdiyi müddətdə penaltilərdən 18 qol vurub.
2024/25 mövsümündə Robert "Barselona"nın heyətində bütün turnirlərdə 29 oyun keçirib, 28 qol vurub və 3 məhsuldar ötürmə edib. Transfermarkt portalında yer alan məlumata görə, futbolçunun bazar dəyəri 15 milyon avrodur.
Robert Levandovski 2022-ci ilin yayından "Barselona"da çıxış edir. O, əvvəllər "Bavariya" və Dortmund “Borrusiya”sında çıxış edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
