“Lester”dən  10 oyunçu   gedə bilər
30 may 2023 14:53 (UTC +04:00)

“Lester”dən 10 oyunçu gedə bilər

2022/23 mövsümünün sonunda İngiltərənin yüksək divizionunu tərk edən "Lester"i on oyunçu tərk edə bilər. 

Lent.az bildirir ki, bu barədə Britaniyanın “The Mirror” nəşri məlumat yayıb.

Mənbənin məlumatına görə, İngiltərənin bəzi top klublarının maraq göstərdiyi Harvi Barns və Ceyms Maddison bu yay "Lester"i tərk edəcəklər.

Bundan başqa, Çağlar Söyuncu, Conni Evans, Daniel Amarti, Rayan Bertrand, Nampalis Mendi, Ayoze Peres və Yuri Tielemans kimi futbolçuların da iyunun sonunda karyerası başa çatacaq. Böyük ehtimalla Vilfred Ndidi də “tülkülər”dən ayrılacaq.

26 yaşlı Meddison üçün "Lester" ən azı 57,5 milyon avro almaq istəyir. Daha əvvəl ingilis yarımmüdafiəçinin xidmətində "Nyukasl" və "Tottenhem"in maraqlı olduğu bildirilirdi.

2022/23 mövsümünün sonunda "Lester" İngiltərə Premyer Liqasını tərk edib. “Tülkülər” gələn mövsüm Çempionşipdə çıxış edəcək.
 

1 2 3 4 5 İDMAN XƏBƏRLƏRİ
# 1374
avatar

Oxşar yazılar