Portuqaliya millisinin futbolçusu Kriştiano Ronaldo qeyri-adi göstəriciyə imza atıb.
Apasport.az saytının məlumatına görə, hücumçu ardıcıl 18 ildə yığmada qol vurub.
O, 2021-ci ildə ilk qolunu Lüksemburqla DÇ-2022-nin seçmə mərhələsinin oyununda (3:1) rəqib qapısından keçirib. Bunadək Ronaldo ardıcıl 17 təqvim ilini qolsuz tərk etməyib.
O, ilk dəfə 2004-cü ildə millidə fərqlənib. Kriştianonun ən məhsuldar ili 14 qola imza atdığı 2019-cu il olub.
Qeyd edək ki, yığmada vurulan qolların sayına görə dünyada 2-ci olan Kriştiano 103 dəfə fərqlənib. O, 109 topa imza atan iranlı Əli Daei ilə fərqi 6-ya endirib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
