“River Pleyt” Libertadores Kubokunda qapıçısız keçirdiyi oyunda “Santa-Fe” üzərində qəhrəmancasına bir qələbə qazanıb.
Lent.az-ın xarici mediaya istinadla verdiyi xəbərə görə, koronavirus virusunun yayılması səbəbindən Argentina klubu üç qapıçı da daxil olmaqla 20 futbolçunu iştirak siyahısına daxil edə bilməyib.
Turnirin təşkilatçıları görüşü təxirə salmaqdan imtina etdikləri üçün gənclər heyətindən qapıçının da heyətə qatılması qadağan olunub.
“River Pleyt” bir əvəzləyici olmadan cəmisi 11 oyunçu yığa bilib. Qapının toxunulmazlığını isə zədəsini yenicə sağaldan yarımmüdafiəçi Entso Peres qoruyub.
“River Pleyt” bu vəziyyətdə bütün oyunu əvəzedicisiz meydanda qalmaqla yanaşı, qələbə qazanmağı bacarıb.
Argentinalılar vurduğu iki qol görüşün taleyini həll edib. Qonaqlar bu qollardan birinin əvəzini çıxa biliblər.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
