Əfsanəvi braziliyalı hücumçu Ronaldo adının hekayəsini açıqlayıb.
Lent.az-ın xarici mediaya istinadla verdiyi xəbərə görə, məlum olur ki, “yekədiş”ə Rio-de-Janeyro xəstəxanasında doğuşu qəbul edən həkimin adı verilib.
“Valideynlərim pulu ödəyə bilmədiyi üçün həkim doğuşu pulsuz qəbul etdi. Atam ona çimərlikdə yığdığı üç kilo xırda dəniz xərçəngi gətirdi və sonra valideynlərim mənə həkimin adını verdilər”.
Yeri gəlmişkən, braziliyalının bütöv adı belədir – Luis Nazariu di Lima Ronaldo.
Ronaldo karyerasında iki dəfə dünya çempionu, elə bu qədər də Amerika Kubokunu qazanıb. Klub səviyyəsində UEFA Kubokunda, Kuboklar Kubokunda, Qitələrarası Kubokda, UEFA-nın Super Kubokuda və iki də İspaniya çempionatında qalib olub.
Əfsanəvi futbolçu 3 dəfə FİFA versiyası üzrə ilin ən yaxşı futbolçusu adına layiq görülüb və iki dəfə “Qızıl top”u qazanıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
