Əfsanəvi Pele koronavirusa qarşı peyvəndləndi

80 yaşlı futbol üzrə üçqat dünya çempionu Pele koronavirusa qarşı peyvənd etdirib.

Lent.az xarici mediaya istinadla bildirir ki, bu barədə özü “Instagram” da məlumat yayıb.

“Bu gün unudulmaz bir gündür – peyvəndləndim! Pandemiya hələ bitməyib. İnsanların əksəriyyəti peyvənd olunana qədər həyatını qurtarmaq üçün məhdudlaşdırıcı tədbirlərə riayət etməliyik. Qonşularımızı düşünsək və bir-birimizə kömək etsək keçər”, - Pele yazıb.

O, izləyicilərini gigiyena qaydalarına riayət etməyə, mümkün olduqda evdə qalmağa, maskalar taxmağa və ictimai yerlərdə sosial məsafəni qorumağa çağırıb.