Rusiyalı hücumçu Artyom Dzyuba təxmini dəyərinə görə azad agentlər siyahısında birinci yerdədir.
Lent.az bildirir ki, “Transfermarkt”ın məlumatına görə, rusiyalı futbolçunun təxmini dəyəri 4 milyon avrodur.
Siyahıda ikinci yeri portuqaliyalı müdafiəçi Edqar Ye və portuqaliyalı hücumçu Fabio Martins bölüşür. Onların dəyəri 3,5 milyon avro olaraq qiymətləndirilir.
Dördüncü yeri 3 milyon avro dəyərində qiymətləndirilən kolumbiyalı yarımmüdafiəçi Santyaqo Arias tutur. İlk beşliyi mərakeşli yarımmüdafiəçi Zakariya Labyad (2,5 milyon avro) qapayıb.
Xatırladaq ki, Dzyuba bundan əvvəl noyabrın 3-də klubu ilə müqaviləni pozaraq Türkiyənin “Adana Dəmirspor” klubundan ayrılmışdı. "Adana Dəmirspor"un heyətində rusiyalı 5 oyun keçirib və bir qol vurub.