"Nyukasl"ın alman qapıçısı Loris Karius klubu ilə müqaviləsini bu mövsümün sonuna qədər uzadıb.
Lent.az xarici mediaya istinadla bildirir ki, klubun mətbuat xidmətindən verilən məlumata görə, futbolçunun hazırkı müqaviləsi 2023-cü ilin iyununa qədər uzadılıb.
Xatırladaq ki, futbolçu komandaya 2022-ci ilin sentyabrında qoşulub və o vaxtdan bəri bir dəfə də olsun oyun keçirməyib.
Karius əvvəllər "Liverpul"da oynayıb və "qırmızılar"la Çempionlar Liqasının finalına çıxıb. 2018-ci ildə mersisaydlılar “Real”a, o cümlədən qapıçının gülünc səhvlərinə görə uduzublar.
"Nyukasl" 38 xalla Premyer Liqa turnir cədvəlinin dördüncü pilləsində qərarlaşıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
